RSS Feed
Twitter
២. ប្រុងប្រយ័ត្ន ព្រម ជាមួយគ្នានឹងសេចក្តីឧស្សាហ៍ព្យាយាម យើងត្រូវយកចិត្តទុកដាក់ប្រុងប្រយ័ត្នមើលថែទាំមុខរបររបស់យើង ដោយភ្នែករបស់យើងផ្ទាល់ កុំទុកចិត្តអ្នកដទៃខ្លាំងពេក។ យើងត្រូវមើលថែទាំ ហាងរបស់យើងឲ្យបានល្អ បន្ទាប់មកហាងរបស់យើងនឹងថែទាំ យើងវិញ។ ភ្នែកទាំងគូរបស់យើង ត្រូវតែរវាសជាងដៃទៅទៀត។ ការប្រគល់ទំនុកចិត្តឲ្យអ្នកដទៃច្រើនពេក នាំឲ្យវិនាសច្រើនប្រការ។ អ្នកបម្រើដែលល្អបំផុតក្នុងលោកនេះ គឺមានតែខ្លួនយើងបម្រើខ្លួនឯង។
៣. សន្សំសំចៃ ដើម្បីឲ្យ សេចក្តីព្យាយាមរបស់យើងទទួលបានជោគជ័យ យើងមិនត្រឹមតែត្រូវប្រុងប្រយ័ត្នខ្ពស់ចំពោះមុខរបររបស់យើងទេ យើងត្រូវតែសន្សំសំចៃបន្ថែមទៀត។ ជនដែលចង់ក្លាយជាអ្នកមាន ត្រូវគិតទាំងការរកប្រាក់ និងការសន្សំប្រាក់។ គេត្រូវយកចិត្តទុកដាក់សន្សំតាំងពីរឿងកំប៉ិចកំប៉ុកឡើង។ សូមកុំភ្លេចថា នាវាធំៗអាចនឹងលិចលង់បានដោយសារតែការលេចធ្លាយរន្ធតូចៗ។ ជនដែលចំណាយប្រាក់ទិញរបស់ដែលមិនចាំបាច់ នឹងត្រូវលក់របស់ចាំបាច់នៅថ្ងៃណាមួយដើម្បីដូរយកប្រាក់ជាក់ជា ពុំខាន។ ប្រសិនបើអ្នកចង់ដឹងថាប្រាក់មានតម្លៃកម្រិតណា ចូរសាកល្បងទៅដើរខ្ចីគេមើលទៅ អ្នកនឹងដឹងមិនខាន។
៤. វិន័យផ្ទាល់ខ្លួន ក្បួនខាងលើទោះបីជាល្អយ៉ាងណាក៏ដោយ ក៏ឥតប្រយោជន៍ដែរ ដរាបណាគ្មានការតាំងចិត្តអនុវត្តន៍តាមពិតប្រាកដ។ គេអាចប្រាប់ផ្លូវឲ្យដើរបាន ប៉ុន្តែយើងខ្លួនឯងជាអ្នកដើរ។
សង្ខេបខ្លឹមសារនិងប្រែសម្រួលជាភាសាខ្មែរដោយគេហទំព័រសាលារៀន salarean.com
សៀវភៅដើម The way to wealth by Benjamin Franklin
